ГӀалгӀайче лаьца воалл, тӀакхоачача боацача наха зулам даьр
ГӀалгӀайчен вахархочох дегабуам бу, гаьнарча сага цо зулам даь хиларах. Тохкамхоша дӀабихьача балхо хьагойтачох, дӀадахача шера мобильни телефон йохкаш я, аьнна, нахалдоаккхаш хоам Ӏочуоттабаьб цу сага интернета чу, цул тӀехьагӀа цох хьадайта ахча шийна дитад. Цох дийцар «Сердало» газетага моттигерча МВД.
«Россе МВД «Сунженский» МО тохкама отдела дӀабихьача балхо хьагойтар, цун бехк хилар, цудухьа цу сага духьала РФ УК 2 д. 159 ст. доагӀаш дола уголовни гӀулакх хьадийллад, цо 9 эзар сома тийшаболх барах. Полице, тохкама отдела болхлоша яхачох; цо из зулам даьд 2023 шера оагӀой бетта 7-ча дийнахьа, интернете гӀолла йохкаш «Айфон 8» яха телефон я, аьнна, хоам а баь, тийшача балхах ахча хьатӀатассийта, шийна дитад цо», - аьлар тхоца хоам баьчо.
Карарча хана, из лаьца воалл, ше наха даь зулам бахьан долаш.
