Укх тӀехьарча кхаь бетта биъ никъ тоабаьб мехка
Къаман проектага гӀолла, республикера наькъаш тоадеш болх ба дӀахьош. Укх тӀехьарча кхаь бетта, оттаяьча ханал хьалха биъ никъ тоабеш бола болх чакхбаккха аьттув баьннаб мехка. Цу юкъе ба 3,12 км бола Эбарга-Юрта ӀотӀаотташ бола никъ.
Р-17 федеральни наькъ тӀа дӀатӀаотташ, Наьсаре - Шолжа-Шахьар яхача наькъах дӀакхеташ дола из доазув лоархӀаме дар. Керда асфальт билларал совгӀа, лампаш егӀа, басарашца къоастам баь, гӀашлой никъ тоабаьб цига. Иштта тоабаьб Шолжа-Шахьарера 2,3 км бола Пхьилекъонгий цӀи лелаю урам.
«Карарча хана, боккха болх дӀахьош, тоабеш латт Наьсаре-Шолжа-Шахьар яха никъ. 28 - 34 км чулоацаш балхаш да дӀахьораш. Кастта тоаде доладе лерхӀарех да Илдарха-ГӀала - Яндаре, ГӀажарий-Юрт-Оалкам-ТӀаргам-Чми яха наькъаш», - дийцар «Сердало» газетага наькъий гӀулакхех йолча министерствос.
