Балхазал 0,3% лохделар, укх шера бӀаьстан тӀехьарча шин беттеи ахкан хаьлхарча беттеи
19.08.2024 13:36
Балхазал дикка лаьгӀлуш латт вай республике. Ер шу доладелча денз, дӀахьош латтача тӀахьожамо хьахьекхар из иштта долга.
«Сердало» газетага из хоам бир къахьегама гӀулакхех йолча министерствера.
«Республикан кулгалхоша вӀашагӀделлача «наькъа картага» гӀолла, болх бе керда моттигаш гучаяьлар мехка. 2024-ча шера шоллагӀча квартала хьал теркалдича, 0,3% лохденнад балхазал»,- йоах министерствон болхлоша.
ГӀадвугаш да, 500 совгӀа болча бахархошта болх бе моттигаш нийсъялар, 60 совгӀа сага, балхацара кхетам лакхбеш, дешар чакхдаьккхад. Цул совгӀа, 500 совгӀа вахара контракташ чӀоагӀъяьй.
Бахархой вахара хьал тоадара тӀехьа йоккха моттиг дӀалоац болх бе моттигаш хиларо, цига гӀолла меттадоагӀа экономикан хьал а.
