СВО доакъашхой дезалий хьашташ кхоачашду
«Даьхен Лорбой» яхача мехка ганза филиала болх тӀаберзабаь ба, Украине дӀахьош йолча лаьрххӀача операце доакъашхой дезалий хьашташ кхоачашдара. ЦӀай долча деношка, организаце кулгалхо Оздой Муслим ваха хилар цу фусамашка, яхаш, дийцар «Сердало» газетага проектни даькъа кулгалхочун гӀончас Наурбенаькъан Фаринас.
«Таханара ди тӀема ветеранаш хьаллацара даькъ тӀа хьинаре нийсделар. Оздой Муслим къаьстта ше вахар; денал, майрал гойташ, Даьхе бахьан латаш болча бӀухой ноаной, истий болча. Цига цун дайзар фусамашкара хьал, царна фу эш, иштта терко йир цар дезалашта. Берригача мехка гӀолла вахара ганз болх беш хилар бахьан долаш, маьтсела бетта 10-ча дийнахьа ГӀалгӀайчен дукхача юрташка хила вӀаштӀехьадаьлар», - йоах хоамо.
«БӀухой дезалий хьашташ кхоачашдар - вай декхар. Тхо кийча да моллагӀа цар хьашт терко йоацаш ца дита, бӀухой гаргарча нахага хьажа; цар, шоай са ца кходеш, моастагӀа эшавеш, денал гойтар; Россе майра бӀухой болаш чакх а баьлар», - аьлар Оздой Муслима.
