1997-ча шера саг вувш, хиннача зулама юкъе бехкевар лаьцар Ӏаьдало
14.05.2024 12:01
Дуккха шераш даьнначул тӀехьагӀа, 1997-ча шера саг вувш этта хиннача хатара юкъе бехке ваь, лохаш хинна саг тахан коравир Ӏаьдала болхлошта. Из хоам «Сердалога» бир МВД викалаша.
«Ӏаьдала болхлоша дӀабихьача тохкамах, 1997-ча шера ахкан тӀехьарча бетта 19-ча дийнахьа, Наьсар-Кертерча Космически оалача урам тӀарча цӀагӀа Ӏеш волаш, цигарча вахархочоа массехказа меттахьа герз техадар цо. Герз кхийттар, хьа ца воалаш, дӀакхелхав цу дийнахьа», - белгалду Ӏаьдала болхлоша.
Массехк шера из лохаш болх баь, дукха оагӀонаш тийхка, зуламхо тахан лаьцав. Из зулам нийсдалара бахьан ма дарра тохкаш латт МВД къахьегамхоша.
