«Полице болхлой болча латкъа венача вахархочо дийцар, Кердача Реданте хӀетта нах баха хайшача моттиге, наькъа йисте ше оттабаьча трансформатора чура, цӀаста гом дӀабихьаб, аьнна.

«МагӀалбик» яхача оагӀон МВД тохкама болхлоша гучадаьккхар, токах дӀахоттанза бола трансформатор укх бетта 4- 9-ча деношка бихьалга. 130 эзар сом денна ийца хиннаб из латкъа веначо», - йоах хоамо. Чехка дӀаоарцагӀбаьннача Ӏаьдала болхлоша хьалехар къоал даьраш.

Царех цаӀ хьалха суд текха ва, наркотикаш бахьан долаш. Лочкъадаьр хьалуш, дари дир къуша. Царна духьала гӀулакх хьадийллад Ӏаьдало.