ГӀишлон материалаш лечкъаераш хьалийцар
ГӏалгӀай Республике гӀолла йолча УФСБ, МВД болхлоша хьалийцар вӀашагӀъеллача тоабан пхиъ доакъашхо, цу юкъе кхаь компане кулгалхой а болаш, уж ба «Цӏена мохк» яхача федеральни проект, «Экологи» яхача къаман проект кхоачашъяра эша тайп-тайпара гӀишлон материалашца Ӏалашо лоаттаяьраш.
Гучадаьлар, цу наха гӀомара-жагӀан 190 эзар кубометр лочкъаяь хилар, цар мах ба 24 миллион сом совгӀа. Цар экологена даь зе хила тарлуш да 270 миллион сом совгӀа.
Чухьежачул тӀехьагӀа, царгара хьаяьхар компьютераш, каьхаташ, кхоъ автомобиль. Тохкам беча Ӏаьдало хьадийллад царна духьала уголовни гӀулакх, вӀашагӀъеллача тоабан доакъашхоша цхьана, бокъонах доацаш, Ӏаьдала доккха зе даь хиларах. Судо лаьрхӀар уж лийца чубохка.
Карарча хана лоткъама а иштта хьем боаццаш тохкам бара а болх дӀахьош ба, хиннар фуд хьожаш.
