32 тонн доагор ийца йода «КамАЗ» дӀалаьцай мехка
03.06.2025 12:55
32 тонн доагор ийца, цунца хила деза каьхаташ доацаш, йода машин дӀалаьцар Ӏаьдала болхлоша Шолжа кхале. Из хоам «Сердалога» бир МВД болхлоша.
Федеральни наькъа (ФАД) «Кавказ» 594 километр дӀахо уллача «Волга-20» яхача ГИБДД посте кхераме мухь ийца йода «КамАЗ» соцайир вай мехкарча МВД ГИБДД болхлоша.
Гучадаьлар, машин лоаллаш вагӀачунга доагор дӀа-хьа дахьа бокъо луш дола каьхат доацилга, хӀаьта из РФ КоАП 1-ча, 2-ча доакъой 12.3 статьях бехктокхаме озаш гӀалат да (каьхаташ доацаш машин лоаллаш хилар).
Доагорах йизза йола машин Ӏаьдала кара я, из гӀулакх дӀахо тохкаш ба МВД болхлой.
