Республике тӀаийцар вахарца бувзабенна 1 726 бартчӀоагӀам
Вахара оагӀонцара контракташ йоаржаеш болх ба мехка дӀахьош. Къахьегама гӀулакхех йолча министерствос чӀоагӀъяьй 1726 контракт, из да 191,9 млн сом ахча, шера дӀабахьа безача балхах 58,3%. Беррига а гӀо даьраш тахан 6 023 саг ва. Из дийцар Мехкадаь зарбан болх лелабераша.
Программан юкъе да балха оттар, бизнес йоаржаяр, коарча боахамий хьал тоадар. Къаьстта белгала да тахан къахьегама оагӀонца дувзаденнараш: бизнесменашта лаьрхӀа 365 контракт чӀоагӀъяьй, 300 - доалахьарча боахамашта лаьрхӀа. Ер шу чакхдалале, кхы а 723 контракт я чӀоагӀъе езаш.
«Иштта йола хӀара контракт гӀо эшачунна болх бе моттиг хиларал совгӀа, цун цӀагӀарча наха, иштта мехка кхыболча бахархошта гӀо хулаш я», - белгалдир мехка хьалхалаттача Келаматанаькъан Махьмуд-Ӏаьлас, цу гӀулакхах дувцаш. Вайцига болх бе моттигаш ца тоъаш дале а тахан, цу оагӀонца дувзаденнараш аттачахьа даха гӀерташ къахьег даим цхьацца кердадараш юкъекхувлаш.
ИП дӀадодар 2%-га кхоачаш лохдаьд, иштта хувцамаш юкъедоаладаьд пенсионни взносашца а. ГӀо дехаш, къахьегама гӀулакхех йолча министерстве, МФЦ тӀабаха йиш я бахархой. ХӀама доладечар дӀачӀоагӀбала йиш я «Са йоал» яхача оагӀонга гӀолла е Госуслуги оалача портале гӀолла; бизнесаца дувзаденнараш «Са бизнес» яхача моттиге ха йиш я.
2025-гӀа шу чакхдалале, чӀоагӀъе лерхӀараш 2449 вахара оагӀонцара контракташ я, къахьегараш 20 эзар совгӀа саг хила веза.
