Аддитивни (чоалхане) гӀирсаш ийцад уж балхаш дергдолча Центра
11.02.2025 12:53
100 сага дешаш хургйола компьютерацара болх шаьрбу моттиг тоаеш, цига эшаш дола гӀирсаш Ӏоувттадеш боахк республике. Грант яьккхача проекта тоабо укх деношка толашагӀа йола хӀамаш ийцай. Из хоам «Сердалога» бир республикерча кагирхой цӀено.
«Тайп-тайпара балхаш леладе эшаш йола 3D принтераш, 27 дюйм йола монитораш, системни блокаш, 3D cканераш, микрометраш, штангенциркулаш, иштта кхыйола хӀамаш Ӏалашъяьй цига. Ма дарра аьлча, дешархошта мел эшаш бола кхоачам хургба укх чу», - дийцар тха газетага.
Бахархой, вайцига кхаьчача хьаьший аьттув ба 3D принтерашца болх бе Ӏомабал, иштта цунца цхьацца кхыдола балхаш кхоачашде. 3D говзал Ӏомаяра тӀехьа, из гӀулакх ма хулла республике доаржадеш дӀахьош я из проект.
