Хин гӀулакхех йола интернет-портал хьае лерхӀ
Моттигерча хин гӀулакхех йола лаьрххӀа интернет-портал хургйолга белгалду мехкарча хьакимаша. Цу гӀулакха соцам баьр вай мехкада Келаматанаькъан Махьмуд-Ӏаьла ва, бахархоште ЖКХ болхлоштеи юкъе бувзам хургболаш.
«Хин гӀулакхага хьожаш йолча муниципальни штабашца бувзам болаш дӀахьоргба из болх. Кхоачамбоацараш малагӀча моттиге да ха аттагӀа хургда, цунга хьежжа, еха моттиг тоае а сихагӀа вӀаштӀехьа даргда», - дийцар «Сердалога» мехкарча Паччахьалкхено.
Кердача, таьрахьашца бувзабеннача оагӀонга гӀолла хицарча кхоачамбоацарех хоам бе йиш хургья наьха, иштта хий дӀакъовлар маца хургда ха а.
ХӀаьта цу гӀулакха юкъе эггара керттердар да, ЖКХ болхлой наьха дехараш ханнахьа теркалде аьттув хилар. Бахархой хьал дикка аттачахьа доаккхаш хӀама да из. ХӀаьта тахан, геттара дӀайха денош латташ, хий наха дӀа-хьа ца кхоачача хана, из мел лоархӀаме да вай массане кхетаду.
