ТӀема доакъашхой дезалашта лаьрхӀа, «Дезалца салаӀар» яха проект дӀайолаергья вай мехка
«ТӀаргам-2024» яхача грантех латтача ерригача Россе кагирхой кхетаче хьалхабаьннарашта юкъе я; дукха ха йоацаш, паччахьалкхен университете гӀалгӀай литературан магистра диплом хьаийца Галай Хьава. Донбассе дӀахьош йолча тӀема операцен доакъашхой дезалаш хьаллоацаш, кхеллача «Дезалца салаӀар» яхача проектах грант кхаьчар цунна.
«Республикерча хӀара юрта, шахьаре цхьацца кхетаче дӀакхухьаргья Галай Хьавас. ТӀема доакъашхой дезалаш хьаллаца лаьрхӀад цо хатӀ гойта, сурт дулла, ишта кхыдола балхаш дара уж тӀахьехаш. Иштта цо дӀахьоргья викторинаш, тайп-тайпара ловзараш, кино хьокхаргда», - дийцар «Сердало» газетага университете.
Цхьацца беркате хӀама мехка дӀадоладе ловш бола кагирхой, тахан вай къаманна чӀоагӀа лоархӀаме ба. Галай Хьавайна дагадехачо хьагойт, вай къонабараш керда, къаман накъадаргдола хӀама дӀадоладара, хьаллацара тӀакхувш болга, дунен хозагӀа йола оагӀув уж хьагойта гӀертилга. Цудухьа чӀоагӀа лоархӀаме да, иштта хьинар долча кагирхошта новкъостал дар.
