ЗӀамигача берий наьна бокъонаш меттаоттаеш, гӀо дир сага бокъонех волча викала
21.08.2024 10:21
ЗӀамигача шин бера нана йола кхалсаг, сага бокъонех вола викал оарцагӀваккха везача кхаьчар. Ӏаьдалгара цун берашта хьадоагӀаш дола ахча соцадаь латтар. Сага бокъонех вола викал из гӀулакх ма дарра тахка эттар.
«ДӀабахача бетта дӀачуденнадар аз сай берашта хьадоагӀаш дола ахча хьадайтар дехаш каьхат, бакъда ахча дагӀац аьннад сога. Са цӀен-да болх беш ва, хӀаьта со дегӀа могашал эшаенна долча берага хьожаш цӀагӀа ягӀа», - яздир дог дехача кхалсага.
«Сердало» газетага баьча хоамах, сага бокъонех волча викала из гӀулакх дикка техкар. Россе Соцганзага гӀолла болх дӀабихьа, цун шаккха бера 10 эзари 720 соми ахча доагӀаргдолаш гӀо дир УПЧ.
