ӏаьдало луш дола ахча хьаэца, наьна бокъо яьккхар
Наьсарен яхархо леткъар сага бокъонаш лораеш волча викалга, ший бера доагӀаш дола ахча хьацадаларах.
«Цо белгалдир, технически оагӀорахьа юкъе нийсденна кхоачамбоацар дӏадаьккхачул тӀехьагӀа а, юха ахча хьа ца луш ше йитар; укх наькъа дезалера хьал дувцаш бола хоам каьхаташта юкъе бац, аьнна. Бакъда ЗАГСа органашка из хоам нийса а, болаш а ба.
2025 шера кӀимарса бетта из ахча хьадоладаь хиннадале а, из соцадаь лаьттача бетташка тӀакхийттар доацаш да», - аьлар «Сердало» газетага ГӏалгӀай Республикан УПЧ хоамий отделе.
Цу гӏулакхага хьежачул тӀехьагӀа, сага бокъонаш лораяра волча викала лаьрххӀа дола каьхат дӀадахьийтар Россе Вахара Ганзе, цу кхалсага бокъонаш меттаоттаяр, доагӀаш дола ахча хьадалар царгара хьадехаш.
СФР дӀабихьача балха ховш хилар, кхалсаг дукхаза цу тӀехьа къахьегаш хиннилга. Из хьа ца луш соцадар бахьан, дезалера хьал чӀоагӀдеш йола справка цахилар дар, аьнна белгалдир. Сага бокъонаш лораяра викала дийхачул тӀехьагӀа, Ганз юха а хьежар цу гӀулакхага.
Цу тайпара, цу кхалсага 2023 шера даьча бера доагӀа цаӀ дола пособи 2025 шера бекарга бетта 1-ча денгара денз 2026 шера тушола бетта 31-ча денга кхаччалца, хьахьожадир. Из ахча доагӏаргда 100%, ГӏалгӀайче гӀолла болча цу даькъ тӀарча боарамга хьежжа. Иштта лаьрхӀад 2025 шера, аьтинга бетта 1-ча дийнахьа денз соцадаь лаьттар а хьадала.
Сага бокъонаш лораяра викал юкъевена хиларах, таро хилар из ахча хьаэца, цу кхалсага бокъо меттаоттае.
