ГӏалгӀай мехка бокъо лорайир СВО доакъашхочун кхувш йоагӏача йиӀий
ГӏалгӀайчен сага бокъонех вола викал волча дехар дера, Донбасс лораеш Россе дӏахьош йолча лаьрххӀача операце де доацаш вайнача бӀухочун нанас ваьча вешийгара. Вайнача бӀухочун цаӀ мара йоаца кхувш йоагӀа йиӀиг я, тахан тӀехьаотта саг воацаш йиса. Цудухьа дехар дечунна цхьацца йола халонаш нийсъелар вахара Ӏалашон даькъ тӀа, бера хьашташ кхоачашдеш.
«Бера бокъонаш кхоачашъяра Россе герззашцарча низий Министерствос хьахьожадеш дола вахара оагIув хьаллоаца ахча хьаийдара каьхат даккха из вахар, ше вахача моттигерча администраце. Бакъда цунна цига духьаленаш нийсъелар. Цул тӀехьагӀа, сага бокъонех волча викала юрта администраце дӀадахьийтача каьхатах эшаш йолча кепара справка хьаелар, бера Iунал деш хилар чӀоагӀдеш», - аьлар «Сердало» газетага ГӏалгӀай Республикан УПЧ хоамий-аналитически даькъ тӀа.
