Йоацача ферма хьакъехьа уголовни гӀулакх хьадийллар
ГӀалгӀайче уголовни гӀулакх хьадийллар шин сага духьала, цар йоаца фермерски фирма хьайийллай аьнна Ӏаьдал Ӏехадарах, цу наькъаца бокъонах ца доагӀа ахча даккхарах, яхаш, дийцар «Сердало» газетага бокъонаш лораераша.
Тохкама болх лелабераша яхачох, 2023 шера аьтинга бетта Дона-тӀарча-Ростове дӀаязваьча Наьсарен вахархочо, шийна вовзаш волча Магасе вахача сага могадир ший цӀерагӀа фермерски боахам хьабеллар, духхьал ба алара, цул тӀехьагӀа 6 миллион совгӀа ахча эцаргдолаш, юртбоахам дегӀабоалабара эш, аьнна.
Ма дарра аьлча, Магаса вахархочун цхьаккха а юртбоахам хиннабац, из хӀама леладаьр из могадаьр ше хиннав. Цу тайпара, ЕГРЮЛ юкъедоаладир харц каьхаташ.
ХӀанз уж шаккхе а уголовни бехктокхаме озаргва, бокъо йоацаш юридически саг хьакхолларах. Из доацаш, къаьстта дола гӀулакх хьадийллад, доккха зе даь хиларах, из юххьанца дагадехачунна духьала.
