«Денала никъ Z» яха болам чакхбала гаргагӀертаб
21.10.2024 15:08
«Денала никъ Z» яхача марафона болх чакхбоал тахан. Роскагирхоша хьаллоацаш, спорта кийчо еча «Мужече» яхача моттиге дӀайихьар из кхетаче.
Из хоам «Сердало» газетага бир проекта кулгал деча БӀарахой Мухьмада.
«Шоай низ хьагойташ бар Къилбаседа Кавказа 20 моттигера, Донецки, Лугански халкъа кхалешкара, Херсонски, Запорожски областашкара доакъашхой. Тайп-тайпарча ловзарашка, дегӀа низ гойтача яхьашка дакъа лоацаш хилар уж укх кхаь дийнахьа. Иштта тӀема операце бӀухоша къамаьл дир кхоана Даьхен гӀулакха ураотта безарашца, царна нийсагӀдар хьалхадоаккхаш», - дийцар тха газетага.
