ДРКБ инфекционни дакъа хьалдаь доалаш латт
24.12.2024 12:57
Республикерча берий клинически дарбанче инфекционни лоархIаш долча лазарашта дарба деш хургйола 60 сага лаьрхIа моттиг хьалъяь йоалаш латт.
244 млн сом рузкъа дIатIадахийта чакхбоаккхаш ба из болх. Цу юкъера 12 млн сом ахча «УнахцIено» яхача къаман проектага гIолла республикера хьакъоастадаь да. Из хоам «Сердалога» бир унахцIенон гIулакхех йолча министерствон зарбан болх лелабераша.
«Берашта лаьрхIа из моттиг вай мехка хьаеллар лоархIаме гIулакх да. Инфекционни лазар зIамигача берашта кхетар чIоагIа кхераме лоархIаш да, х1ана аьлча цу лазара духьалъотта низ бац цар дегIаца. Керда хьайийллача моттиге лазар хьакхийттача хана гучадаккха, дарба де аьттув хургба», - белгалдир министерстве.
