РДКБ керда инфекционни дакъа хьадаь чакхдоалаш латт
Берий республикерча клинически дарбанче керда инфекционни моттиг хургья кастта. 2021-ча шера дӀайолаяьча проекта болх чакхбаьнна бала боалл. Цу чу эшаш йола хӀамаш Ӏоувттаеш боахк къахьегамхой.
Вай мехкадас Келаматанаькъан Махьмуд-Ӏаьлас белгалдир, РДКБ керда корпус хьаеллар тахан мел лоархӀаме да. Республикан кулгалхочо белгалдаьчох, берашта боаггӀача боараме дарба лоаттадара тӀехьа, къаьстта лазараш даржаш йола ха эттача, беррига кхоачам бола из моттиг вайна эшаш яр.
Россе дӀахьош йолча «УнахцӀено» яхача къаман проектага гӀолла, дӀахьош ба из беркате болх. Тишъеннача гӀишлон меттел хьалъяь керда моттиг дика тоаяь я. 719 млн сом рузкъа да цу гӀулакхага дӀадахар.
ЗӀамигача унахошта санна, цу чу болх бечарна а паргӀато луш я из моттиг. Из тайпара, таханарча хано дӀадеххача беса йола моттиг мехка хилар боккха аьттув ба, ала мегаргдолаш да.
