Бокъо йоацача тайпара корта бохабу малар дехкачун гӀулакх тохкаш хилар мехка
Бокъо йоацача тайпара корта бохабу малар дохкаш хиннача кхалсага гӀулакх тохкаш хилар мехка. Экономически кхерамзлен хьал лорадарах, кхааш ийдара духьала болх дӀакхахьарах болча мехкарча Россе МВД болхлоша, Россе ВОГ МВД къахьегамхошца цхьана, болх дӀабихьар МагӀалбикерча кафе. Цига гучадаьлар, цхьаккха тайпара из дохка бокъо луш дола каьхаташ доацаш, цу чу корта бохабу малар дохкаш хиннилга.
«Тохкама болхлоша белгалдечох, 47 шу даьнна кафе хьайийлла мехкара яхархо 1 миллиони 160 эзар соми мах бола малар дохкаш хиннай цу кафе. Бокъо цахиларах, иштта кхыдола кхоачамбоацараш а теркаме лаьца бехктокхаме эзар из», - дийцар «Сердалога» Ӏаьдала болхлоша. Карарча хана суде тохкаш латташ да цун гӀулакх. Из бехктокхаме озаргья 2-ча даькъа «б» пункта 171.3-ча статьях, 5-ча даькъа 171.1-ча статьях, Россе УК 1-ча даькъа 180-ча статьях.
