ГӏалгӀай мехка чакхъяьлар, массанена лаьрхӀа йола пхьарий ярмарка - 2025
ГӏалгӀайче чакхъяьлар дукха хӀамаш чуйоагӀаш хинна говзанчий ярмарка-2025, из вӀашагӀъеллар вар «Вай керамика» яха топпара пхьегӀан пхьоаленна керте латта Атиганаькъан Беслан а цун тоаба а, яхаш, дийцар «Сердало» газетага цу моттиге.
Шоайла кхолламцара безам бийкъар ГӏалгӀайчен тайп-тайпарча юрташкара баьхкача говзанчаша, культуран болхлоша, спортсменаша, мэре викалаша, Селий мехкара баьхкача кулгаговзала болх лелабераша.
Гойтаме ичтолаш оттадаьдар хозача даарашца, цига го йиш яр цӀена модз, мерза даараш; пхьегӀаш, кхалнаьха хозала гӀирсаш, совгӀаташ.
«Тешшаме ала йиш яр, цига гойта оттаяь хӀама дег чура безам тӀабодаш хьаяьяр пхьараша. Цу массехк дийнахьа дукхача наха мах оттабир тха къахьегама, иштта дӀадихьар шоашца ярмарка цхьа дакъилг. Кулгаговзал йолча наха шоай гӀулакх иштта дӀахо а дӀадахьар лов, цу юкъера шоаш безаш бола эцархой юха а ца боахаш», - аьлар Атиганаькъан Беслана.
Белгалду, хьалхагӀа «Сердало» газето яздаьдар; Наьсаре кӀимарса бетта 12-ча денгара 14-ча денга кхаччалца; массаболча говзанчий ярмарка - 2025 дӀахьоргья, аьнна.
