Заводе болхло кхалхарах дола гӀулакх тохкаш хилар вай Ӏаьдал
23.06.2025 09:13
Заводе къонача болхлочун вахар хадарах дола гӀулакх тохкаш хилар вай Ӏаьдала викалаш. Хатар хилара бахьан да, кхыча болхлочо ший болх боаггӀача боараме чакхбаьккха цахилар. Из хоам «Сердалога» бир мехкарча тохкама оагӀонца къахьегараша.
2025-ча шерарча Ӏан шоллагӀча бетта 30-ча дийнахьа хиннад из хатар Ӏаьлий-Юртарча кӀалах хӀамаш хьаеча заводе. 34 шу даьннача завода болхлочо, ше из гӀирс цӀенбеш воаллача хана гидравлически пресс дӀайояь хиннаяц, из бахьан долаш юхе лаьтта 27 шу даьнна болхло цу моттиге вахар хадаш лозаваьв. Тохкама болхлоша суде дӀачудахьийтад гӀулакх. РФ УК 2-ча даькъа 109-ча статьях бехктокхаме озаргва бехкевар - «Ший болх боаггӀача боараме хьацабахарах сага вахар хадар».
