ГӀалгӀай республикан хьалхале яккхара боксах йола яхьаш чакхъяьлар
Наьсаре хилар боксах йола Россе цӏихезача тренера Йовлой Баширах болча дагалоаттама хетаяь боксах йола хьалхале яккхара яхьаш. Уж яр 15-16 шу даьннача ондаргаша дакъа лоацаш, яхаш, хоам бу «Сердало» газетага ГӏалгӀай Республикан бокса федераце.
«Яхьашка къовсавелар чӀоагӀагӀа вола 100 спортсмен. Программанна чубоагӀаш бар дозал 15 тайпа дараш. Котбаьлар Жандаранаькъан Ахьмад (42 кг), Аькхенаькъан Ӏаддал-Малик (46 кг), Йовлой Хьасан (48 кг), Дарсиганаькъан Сулейма (50 кг), Налганаькъан Мухьмад (57 кг), Кӏориганаькъан Ахьмад (60 кг), Джанхотанаькъан Элберд (60 кг), Цӏечой Або-Муслим (63 кг), Ӏаьленаькъан Мовсар (66 кг), Тирканаькъан ИсмаӀал (70 кг), Тӏумхой Ювназ (75 кг), Буражанаькъан Жабраил (80 кг), Галай Адам (+80 кг)».
Хоамо яхачох, дошо а дото а майдилгаш яьхараш саькура бетта 17-22 деношка СКФО хьалхале яккхара яхьашка дакъа лоацаш хургба.
