«Кхерама белгалонаш юкъе йола кхетаче дӀахьош къахьийгараш яр Россе спортах йола министерство, РФ альпинизмах йола федераци, вай мехкарча спортах йола министерство, альпинизмахи спортацарча туризмахи йола вай моттигера федераци. 

ЖӀайрахьа кхален администрацена кулгал деча Лаьнанаькъан Ахьмада гӀо деш, мел эшар хьатӀаэзадар цига; сиха оарцагӀа ухача лорий машени МЧС болхлойи болаш.

Диъ дийнахьа лаьттар ЖӀайрахьа кхале альпинизмах йола Россе кубок яккхара яхь», - йоах тхогарча хоамо. Фестивале котбаьннараш бар Рубцова Анастасия (Приморск), Лаптев Сергей (Самарск).

ШоллагӀча лагӀа тӀа баьлар Любушкина Екатерина (Кузбасс), Чернов Виталий (Иркутск). КхоалагӀча мугӀаре эттараш бар Петрова Елена (Самара), Добдин Андрей (Саратов). «RedFox» яхача оагӀонгара, совгӀата сертификаташ делар котбаьннарашта.