Воркаутах йола яхь дӀайихьар республике
14.10.2024 12:18
Укх деношка Дьякова цӀерах йолча стадиона тӀа воркаутах йола яхь дӀайихьар «Бералла наькъаш» яхача ерригача Россе проектага гӀолла, «Трезвость v тренде» яхача проекта тоабаца. Из хоам «Сердалога» бир кагирхой оагӀон министерствос.
«Кагирхой политикахи туризмахи йолча министерствос хьаллоацаш, дӀадихьар из спорта цӀай. Шоай дегӀа низ бовза аьттув хилар хӀара тоабан доакъашхой, цул совгӀа, дӀахойодача хана тоаде дезар фуд ховргда царна. Котбаьннарашта грамоташ, совгӀаташ декъаш дӀадийрзар из гӀулакх», - йоах тха газетага бенача хоамо.
«Бералла наькъаш» яха проект кхоачашъяра тӀахьожаш волча Евкуранаькъан Расула белгалдечох, иштта йолча проекташа берий дегӀа низ чӀоагӀбу, массайолча оагӀорахьара, берашта боккха пайда луш гӀулакх да из.
