Наркотикаш йохка гӀийрта зуламхо суде кхаьчай
20.05.2025 11:03
Наркотикашца базар лелаеш хинна 61 шу даьнна яхархо дӀалаьцар вай мехкарча Ӏаьдало. Прокуратуран болхлоша белгалдечох, 3 кийла хиллал дола наркотик яха дохьаж дохка гӀийртай из саг. «Сердалога» из хоам бера МВД болхлошкара.
Тохкама болхлоша дӀабихьача балхо гучадаьккхар, 2024-ча шерарча ахкан шоллагӀча бетта из кхалсаги цун нуси наркотик йохка лаьрхӀа республике зулам вӀашагӀадоллаш хиннилга.
1,2 миллион сомах Ростовера из дохьаж ийцад цар; бакъда, из дохка ца кхувш, республике хьачуоттачара МВД, ФСБ болхлоша дӀалийцаб бӀехача ахчанца бӀаьхий хила гӀийртараш. МагӀалбикерча шахьара судо дувцаргда цар дош.
Царца бувзаме болаш, цу базара юкъе дакъа лоацаш хиннарий гӀулакх а тохкаш латт Ӏаьдало.
