Эккажкъонгий-Юртарча вахархочунна, дӀандарг лелаярах кхел йир
17.02.2025 16:55
ГӀалгӀай Республикан Наьсарен кхален суда, хьалхагӀа лаьца ваьллача моттигерча вахархочунна, цунгара лелхаш дола герз хьадаккхарах кхел йир.
Суде гучадаьлар, цу сага, эккхаш йола дӀандарг лелаеш хилар, из корайир оагӀой бетта 19-ча дийнахьа Эккажкъонгий-Юрта цун машена чура, яхаш, дийцар «Сердало» газетага республикан тӀахьожамхоша.
Судо, цо леладаьчоа мах а оттабеш, 6 шуи 3 бутти ха техар тоавалара йолча набахта из лаьца воалларгволаш, иштта 20 эзар сом гӀод а техар паччахьалкхен болча пайданна.
