Гӏалгӏайче кхаьчар ДРЦ ийцача гӏирса хьалхара дакъа
13.10.2025 14:31
Ийцача кердача 23 гӏирсах хьалхара гӏирс кхаьчар Берий реабилитационни центре. Цох дийцар «Сердало» газетага Гӏалгӏай Республикан Къахьегама Министерствон зарбан болх лелабераша.
Керда гӏирс эца таро хилар «Дика хьалаш» яхача программага гӏолла.
Цу кердачунца болх дӏаболабеш, цкъа хьалхагӏа центра болхлой лаьрххӏа ӏомабала безаш ба ер бутт чакхбаллалца.
«Дика таронаш яьржай Гӏалгӏайчен кхыча вахара моттигашка а. Иштта таханарча заман ӏалашо кхаьчар Ветераний цӏагӏа, Магӏалбика кхален Дола-Коарча психически лазараш долча моттиге. Цо таро лу боккхийча наха, могашал эшаеннарашта аттагӏа баха», - аьлар наьха вахара хьалашка хьожача даькъе.
