«Эллиной-румий, шоай лоӀамерча латарах бола спортсменаш вай мехка бийхар ва министерствон хьалхалатта Белхарой Руслан. Хьаьшашта юкъе хургва цар керттера хьехамча Марена Хуан Луис, тоабан хьашташ кхоачашдеш вола администратор Алзахрани Авад Ӏаддал-Малик, къулбехьен-малхбузерча мехкашкарча спорта клубашта кулгалдеш вола Алгурайби АбдуллахӀа Ахьмад», - йоах тхогарча хоамо.

«Шоай говзал лакхъеш, хӀара дийнахьа къахьега дезаш ба спортсменаш. Вайца бувзам лелабеча мехкашца цхьана иштта болх дӀакхахьаро юкъера барт, безам чӀоагӀбу, дукха накъадаргдола хӀамаш довзийт», - аьлар Белхарой Руслана.

Республикерча спорта Федерацен вице-президент волча, карарча хана цу мехка волча Мусайнаькъан Мухьмада вӀашагӀделла, Саудовски Араверча спорта федерацен кулгалхочунца къамаьл де аьттув хилар вай министра. Къамашта юкъера бувзам чӀоагӀбеш болх дӀабахьа лерхӀ кхыйолча моттигашца а. Цу гӀулакхо дикка пайда бергба вай спорта.