АьдагӀера «Дошо кӀудал» яха теникий театр доагӀа вай мехка
Майкопера «Дошо кӀудал» яха теникий театр да кастта вай мехка кхача дезаш. 22-ча, 23-ча деношка ши спектакль гойтаргья цо вай мехкарча хьажархошта - «Сармак», «КӀаьда дог бахьан дола во». Из хоам «Сердалога» бир культуран гӀулакхех йолча Министерствос.
«Сармак» яхача, Тучков Анатолий режиссёр волча спектакле вувц Шаоцук яха, нарт хила хьагаш лела кӀаьнк, бакъда нарт хила цхьа турпалал гойта деза цун; мичара, мишта ший из вӀаштӀехьадаргда тахка деза кӀаьнка.
«КӀаьда дог бахьан дола во» яхача, Дрожжина Татьяна режиссёр йола спектакль беламе, иштта дог делхадеш, дукха хӀама гучадоаккхаш, Ӏомадеш я. Массехк кхалсагага ший безам бувцаш лела саг ва керте латтар. Кхо саг йоалае йиш йоацаш, хӀаьта цаӀ шийна кӀезига хеташ, боккха бала ба цун дег чу», - дийцар «Сердало» газетага министерстве.
«Пушкина картага» гӀолла дакъа лаца йиш йолаш ба хьажархой спектакле.
