«Дикал» яха оагIув тайп-тайпара моттигаш чулоацаш ба. Цу юкъебаха йиш я лораш-волонтёраш, Iалама гIулакх лорадераш, культуран хьал тоадераш, иштта кхыбараш», — йоах тхога бенача хоамо.

«Вай кагирхой массахана дика хила гIерта беза. Ишколе багIача хана денз; дIаIомаде, хьалхадаха деза царна из гIулакх. Дуккхача беркатеча хIамашта юкъе дакъа лоацаш хуле, шоашта санна дерригача къаманна, а накъабоалаш хьалкхувргба уж.

 БоаггIача боараме из гIулакх дIадахьа, цу лостамагIа царца болх лоаттабе шортта ха я вайга тахан. ХIанз цар хьаийцар, дунен тIа мел бахача хана накъадаргда царна», — аьлар РЦД кулгал деча Галай Назира.