ТIема шерашка вайна кхы а бархI бIухо коравир
В преддверии наступающего Дня Великой Победы в городе воинской славы Малгобеке прошел целый ряд знаковых мероприятий, которые обратили на себя внимание широкой общественности. Одним из таких мероприятий стало торжественное захоронение останков героев стратегической Малгобекской оборонительной операции С еверной группы войск Закавказского фронта, найденных поисковиками.
Тирка дукъ оалача моттигера фашист вохавеш лаьтта бIухой дIабохкача, дакъа лоацаш хилар дукха вай мехкара бахархой. Цига баьхка хилар Паччахьалкхен Дума депутат БIарахой Бек-хан, республикерча юкъарлен палата кулгалду Iамархананаькъан Лейла, росгвардера, тайп-тайпарча болх-моттигашкара къахьегамхой, дешархой. Депутат волча БIарахой Бек-хана белгалдаьча тайпара, уж нах хьалахар вай массане декхар да. Фашист эккхавеш, котало вайна гаргайоалаеш, шоай синош Iодийхка нах ба уж. Иштта догмайра шоай декхараш токхаш латт вай сийдола къонгаш Донбассе. БIарахой Бек-хана гIо деш, дIакхухьаш ба тахан уж нах лехаш бола болх. Царна ийшача хIаман масса хана кийча ва из.
Тахан доккха баркал аьлар цу наха депутата. Юкъарлен палато а дикка новкъостал лоаттаду бIухой лехача болхлошта. Тахан берригаш ураотта безаш, доккха гIулакх да из. БIухой дIабохкача Iамархананаькъан Лейлас белгалдир, Даьхе лораеш, моастагIчун наькъаш тедаш лаьттача цу нахагара таханарча кагирхоша масал эца деза, аьнна. БIухой лехаш лелача болхлоша шоашта хьалхашка дукха лерхIамаш лоаттаду. Гуйре хьатIаотталца дIабахьа лаьрхIад цар из болх. Ахкан хана цар дIахьоргья Iилман-практически конференци. Кхувш латтача тIехьенна, бIухой лийга моттигаш дIахьокхаш болх дIаболабергба цар.
