Программа вIашагIъелла режиссер Ховтанаькъан Дугурхан яр, из дIахьош хиннар — цIихеза артист Цхьорой Азамат, цунна гIо деш хилар Малсаганаькъан Хьусен.

ЗIамигача хьаьшашта театре гIолла экскурси йир цигарча болхлоша. Театра еррига моттигаш дIахьекхар цар берашка. Гойтача фильмага гIолла актёраша довзийтар дунен тIарча тайп-тайпарча теникий истори.

«ХIамах ма кхера, Зураб» яхача спектаклерча Зураба вахарах дийцар хьаьшашта», — аьлар тха газетага театра болхло йолча ПхьаргIолганаькъан Марема.

Теникаш сцена тIа мишта ловзаю гойтар берашта артисташа: Ховтанаькъан Дугурхана, Курскенаькъан Риммас, Лаьнанаькъан Радимас, КIацанаькъан Батарбика, Янгульбаев Эмира, Гаьгенаькъан Анзора. Из деррига чакхдаьлча, кофе малийтар берашка.