Iоахарганаькъан Хьаж-Бикара суртий кIийлен тIа оттадаьд из историка. «ГIалгIайче» яхача газета редакце хилар из кхетаче.

ЦIихезача этнолога оагIув хьаллаца гулбеннабар сурташ дехкараш, уж доахараш, политически болхлой, иштта кхыбараш.

Массехк оагIонах латташ да из альбом: кулгайоазон альбом кхолладалара истори (гIалгIай сурташ 1924), из арадаккха кийчдеш язъяь рецензи, цунга язъяь статья, истингаш тIара сурташ дувца йоазув, сурташ шоаш. «Тахан вай къаман гIулакха цхьацца пайдане дола гIулакхаш леладеш вай ца хуле, кхоане йоацаш дусаргда вай къам.

Далла яь Iамал, мехка сийленна даь хоза, беркате гIулакхаш мара укх дунен хIама дутаргдац вай. Къона болча хана, низ ца кхобеш, шоай къаман гIулакха дуккха дикаш кхоллаш лаьттача нахах ва Хьаж-Бикар», — аьлар цIихезача бизнесмена, политически болхлочо Малсаганаькъан Ахьмада. Бувца болх арабоаккхаш, гIо даьрех ва из.