«Iомабеча моттига спикер волча Местой Бахьаудина гулбеннарашта дийцар, грант яккха безам бараша проекташка малагIа болх дIабахьа беза, мишта дIа-хьа бекъа беза болх, тоабо лаьрхIар кхоачашхургдолаш.

Лекци яьнначул тIехьагIа, дIа-хьа екъаенна, тоабаша шоай проекташ вIашагIъехкар. ВIашагIкхетара кураторга дIахьекхар из деррига. Хьалхарча моттиге эттар туризм йоаржаярах йола проект, шоллагIа моттиг кхаьчар Iаламца ювзаеннача проекта, кхоалагIа моттиг кхыча командаша йийкъар», — йоах тхога кхаьчача хоамо. «Таханара вIашагIкхетар боккха пайда болаш дIадахар.

Шоай проекташ дикка йовзийта аьттув баьлар цхьайолча тоабай.

ДIахойодача хана а мехка пайдане хургдолча хIаман тIехьа къахьегаш хургба аьнна хет вай кагирхой», —  белгалдир Местой Бахьаудина.