«Шоай балхацара говзал гойтаргья кагирхоша Магасерча баь тIа. Вай мехкарча, шоай лоIамагIа наха гIо дераша дIахьош йолча яхьашка, тайп-тайпара упражненеш е еза доакъашхой. Цхьаккха кхоачамбоацараш доацаш, нийса дIадахьа деза из гIулакх.

ХIара упражнени еча хана, цу гIулакхах болча говзанчаша хьахьокхаргда уж мишта е еза.

Кхо саг ва яхьашка котвала везар», — йоах тхога бенача хоамо. «Могаш вахалва» яхача ерригача Россе дIахьош йолча акцен юкъе йодаш я из турнир. Дакъа лаца безам болчо, из гIулакх вIашагIделларашка ше дIаязвайта веза. Укх бетта 15-ча дийнахьа хьахоржаргба цу юкъе хургбараш. «ХIара шера дIакхухьаш болча укх болама гIулакх тайп-тайпара хул.

Укх шера кхо чемпион хоржаргва оаха, юхебисарашта мерза совгIаташ дала лаьрхIад», — аьлар шоай лоIаме наха гIо деш леларашта хьалха латтача ЦIечой Дейсе.