«Яхьаш дIайолалургья аьтинга бетта 27-ча дийнахьа, Магас шахьара спорта туризма, культуран Центро хьалхадаьккха, ГIалгIай Республикан Iадсаькх тохара Федераце хьал а лоацаш.

Хьалххе а дIаязбара болх дIаболабергба 15:00 сахьат даьлча, хIаьта дIайолалургья 16:00 сахьат даьлча.

Къовсаме дакъа лоацарашта керттера ха безар ба кхерамзленна боарам: белгалдаьча доазол аравала йиш яц, инструктора ца аьлча Iадсаькх тоха йиш яц, даьсса Iадсаькх тоха йиш яц, кхыча сагага Iадсаькх дIадала йиш яц, нагахьа санна из кхоссара белгалъяьча моттиге саг латташ хуле.

Яхьаш дIахьоргья шин даькъе:

1) Баребоу — юкъера юкъ 25 метр, кхоссара белгалдаь хьежорг 60Х60;

2) Инстинктив — юкъера юкъ 25 метр, кхоссара белгалдаь хьежорг 60×60.

Котбаьннарашта массанена а мах бола совгIаташ лургда. Шинна а даькъе котбаьннарашта, цIайна хьожабаь устагIа лургба.

Шоай хаттараш дала йиш я укх номерах 8(963) 398-98-98 (Адам)», — аьлар из вIашагIделлачо.