«ГIалгIай паччахьалкхен 99 шу дизара хетадир мехкахоша, 8 километри, 800 метри никъ беш, 3.008 лакха болча Маьтлоам тIа шоаш балар. Из гIулакх юкъе даьккхараш бар, къаман бувзамахи, политикахи йолча министерства болхлой. 44 саг Маьтлоам тIа баьннараш, царна юкъера кхойтта саг, туристаш бар», — йоах тхога бенача хоамо. «Со хьалхара яьнний Маьтлома тIа. ЧIоагIа ловра сона, цу лакхера вай мехкага хьажа.

Бера хана денз аз сатийса гIулакх, тахан кхоачашхилар. Хало долаш моттигаш хиннаяле а, дог гIоздаьнна я со», — дийцар Озанаькъан Мартас.

Белгалде деза, дIабахача бетта 24-ча дийнахьа, къаман бувзамахи, политикахи йолча министерства болхлоша, республика бахархошта, хьаьшашта лаьрхIа йоккха марафон дIайихьалга