ВИЧ оалача инфекцех, наркоманех къамаьл хилар
Комитет по делам молодежи РИ в содействии с общественной организацией АНО ЦП «Стоп-ВИЧ» провел круглый стол, на котором обсудили методы профилактики наркомании и ВИЧ — инфекций в регионе, сообщили корреспонденту газеты «Сердало» работники КМД РИ.
«Кхетаче дIахьош дакъа лоацаш хилар ГIалгIай Республикан кагирхой гIулакха йолча комитета доакъашхой, ГIалгIайчен дешара, Iилман Министерствон болхлой, Селий Республикан «Ший нах» яхача организаце кулгалхо Гаджиева Сабият, ВИЧ-инфекци лазар дола Къилбаседа Кавказа даькъ тIа вахаш вола унахо шийца волаш, вена Гаджиев Джаппар.
ДукхагIча даькъе дийца къамаьл ВИЧ-лазар даржаргдоацаш, цунна дарба дергдолаш бола никъ лахарца дувзаденна дар.
Гулбеннараша лаьрхIар, дукхагIа цу лазара хьал наха юкъе довзаш хургдолаш, къаьстта кагирхошта цун во довзаргдолаш бола болх дIабахьа беза кхаьч-кхаьчача къахьегама моттигашка, урхаленашка, аьнна.
«ВИЧ таханарча ден эггара вогI долча лазарех да, аьнна латте а, тIехьарча хана нах, из лечкъа ца деш, цунна дарба дара тIакхувш ба, цудухьа аттача даьннад. Цунна дарба дергдола оагIув, денгара ди массаза дала, дукхагIа хулаш йоагIа.
Й1аьххача хана дег1аца лелаш дола, дуккхача ханашка хьа ца хьовш дола лазараш санна лоархIарех да из тахан.
Хала хетар да, тахан вай мехка гIолла хала лазараш дола нах дукхагIа хулаш боагIилга. Cо тешаш ва, кагирхошта цун хьал хьалхадаьккхача, наха из дикагIа довзаргхиларах а, иштта уж цу воча лазарах лоралургхиларах а», — аьлар ГIалгIай республикан кагирхой комитета нахаца бувзам лелабара йолча отдела кулгалхочо Колой СаIида.
