Берий салоIа лагерь тоаеш, боккха болх дIабихьар
В детском оздоровительном лагере «Аьрзи», расположенном в заповедной горной зоне Ингушетии, завершились работы по реконструкции. Детская здравница появилась в Джейрахском районе еще в 1999 году, но столь масштабному капитальному ремонту она подверглась впервые за минувшие десятилетия.
«Лакхача боараме дIабахьа беза оаш из болх! Цу хIаман тIахьожам чIоагIа хургба согара. Укхаза салоIаш хинна цIадаха бераш, юхадахка безам болаш, ер моттиг йицъе ца могаш, хила деза! Мехка эггара хозагIйолча моттиге Iойиллай лагерь.
Жайрахьа ба вай къаман кхуврч. ГIалашта юкъе, беркате хиш, аренаш, цIена фо долча дикагIа хургда берашта. Дега салоIам хиларал совгIа, берий унахцIенон а дика да иштта уллача лагере ха яккхар. Цул совгIа, шоай къаман истори а довзаргда царна», — къамаьл дир Мехкадас, лагерь тоаеш баьхкача болхлошка. 20 млн совгIа ахча дIатIадахийта тоаяьй из беркате моттиг.
Цу дерригача гIулакха тIахьожам беш хиннай, Мехкадас лаьрххIа оттаяь комисси. Тишденна уйнаш, кораш, наIараш хийцад лагере. Чуйиллай керда йIовхал, цIена фо чудар тоадаьд, оттабаьб хатар деча хоам бу гIирс. ТIера тхов тоабеш, дикка болх баьб. Футболах, волейболах ловзарашта доазув къоастадаьд, хоза бурчолгаш дехкад коа.
