«Чемпионат хьалхара дIахьош яр. Из кийчъеш а дӀахьош а дакъа лоацаш хилар ГӀалгӀай Республикан дикача гIулакхий керттера моттиг, лоӀамхой тароний керттерча моттигера кагирхой, уж вар цхьа бӀаь совгӀа саг», — аьннад хоама тӀа.

Белгалде деза, яхье дакъа лоацаш бар тайп-тайпарча къамаий викалаш. Котбаьннарашта юкъе тайп-тайпара ханаш йола Кавказа латархой бар. 37 шу даьннача селечо Абдуллаев Дауда кимоно оалача даькъ тӀа хьалхара моттиг яьккхар. Из ва укх диъ шера реслинг оалача даькъ тӀа Ӏомалуш.

Иштта шиъ дошо майдилг яьккхар ги категорех, но-ги 90 кг, 18+ категорех нохчочо АхмадовгIар Малика, из къахьегаш ва ах шера «Academy jiu-jitsu Urus» яхача спортивни клубе. Малик яхьашка дакъа лаца кийчваьвар кхаь тренера — ТовсултановгIар Зелима, ВахаевгIар Адама, МагомадовгIар ХӀарона.

Къовсам чIоагIа дика бар, деррига а дика вӀашагӀделладар. Ер турнир дӀаяхьарах а иштта хоза хьаьший тӀаэцарах а ГӀалгӀайченна баркал оал аз, аьлар АхмадовгIар Малика.

ГӀалгӀайче сийленца гойтар дукхача латархоша, котбаьннарашта юкъе вар 15 шу даьнна Iалбаканаькъан Мансур. Укх кхаь шера цо ше хьагойтав тешаме вола спортсмен санна, дукхача яхьашка котвийннав из. Укх турнире а ворхӀазза летачул тӀехьагӀа, Мансура кимано даькъ тӀа хьалхара, кимоно йоацаш шоллагӀа моттиг яьккхар. Шиъ дошо майдилг йихьар 18 шу даьннача Чахкинаькъан Мовсара, цун дозал дар 60 кг.

Iалбаканаькъан Ювсапа дошо майдилг яьккхар шоллагӀча категоре (кимоно йоацаш), хьалхарча категоре дото майдилг а яьккхар. Беррига кагирхой Шолжерча «Sabr bjj» спортивни клубе Ӏомалуш ба.

«Цу коталонаша со Ӏомавергва дӀахойодача хана майрра кердача лакхаленашка ваха», — аьлар, тешшаме жоп луш, Чахкинаькъан Мовсара.