«Наьк де Ӏомале» яха болам дӀабихьар «Аьрзе»
Хин моттигашка наьха кхерамзлен хьал лораду болхлой, МЧС къахьегамхошца «Ӏомале наьк де» яха болам дӀахьош хилар «Аьрзи» яхача берий лагере. Хин моттигашка лораде дезараш малагӀаш да хьалхадаьккхар цар берашта. «Сердалога» из хоам бир цу моттигера.
Берашка дӀахьекхар, саг хин кӀалха водаш хилча фу де деза, хи чура араваьккхача сага эггара хьалха малагӀа гӀо де отта веза, масала, саг садаха волалургволаш де дезар дӀагойтар.
«Шоашка дӀахьокхаш дола хӀара хӀама Ӏомаде чам болаш, деррига зувш дар бераш», - белгалдир хин моттигашкара наьха кхерамзлен хьал лорадарах болча оагӀон болхло волча Темарханаькъан Адама. Шолжа кхален моттигашка цу оагӀонцара тӀахьожам лоаттабеча къахьегамхоша берашта дийцар, кхерам тӀабоагӀилга мишта кхетаде деза, хатар хургдоацаш мишта лоравала веза.
