«Ангушт» яхача клубе керда футболисташ ба
07.02.2025 09:38
Керда кхо футболист юкъевенав «Ангушт» яхача клуба. Цунна юкъе ловзаргба аьнна бартчӀоагӀам бир цар тахан. «Сердалога» из хоам бир футболах йолча Федераце зарбан болх лелабераша.
«Ангуште» ловзаш хургва таханарча дийнахьа денз Гапотенко Егор. 19 шу даьнна футболист хьалхагӀа Пятигорске, Волгоградерча «Ротор» яхача тоабанца ловзаш хиннав. Иштта кердача тоабан юкъе ловза кийчлуш ба Бакайнаькъан вежарий футболах йолча ишколе, «Химоке» кхеваь 19 шерга кхаьча Тоаркхойнаькъан Ислам. 2023-ча шера Кагирхой футбольни лиге диъ ловзара юкъе дакъа лоацаш хиннав из.
КхоалагӀа вола спортсмен, 18 шу даьнна Султиганаькъан Мухьмад-Амин Бакайнаькъан вежарий ишколе, «Космос» яхача академе Ӏомавенна ва», - дийцар тха газетага.
