ГӀалгӀай паччахьалкхен университете викторина дӀайихьар мархий бетта хетаяь
19.03.2025 10:57
Республикан керттерча вузе викторина дӀайихьар, из хетаяь яр «Дала безбаь байтача дикача гӀулакхий бетта». Из дӀаяхьа дагадехараш бар исторически факультета студенташ, яхаш, дийцар «Сердало» газетага дешара моттиге.
Керттера хаттараш доагӀаш дар Рамадан бетта лерхӀама, КъорӀан дозала, Езача бийсанна (Лайлат аль-Къадр), дийшача наха эзар бийсал езагӀа лоархӀаш йолча.
«Яхьаш дӀахьош студенташа гойтар цу беттах лаьца шоашта фу хов, дукха бар цу юкъе дакъа лоацаш хиннараш. СовгӀаташ кийчдаьдар котбаьннарашта дала. Цига иштта студенташ тӀахьийхар шоай ханнахьа ламазаш дара, Далла тӀаберзара, ма хулла дукхагӀа дика гӀулакхаш дара», - аьлар кхетаче вӀашагӀъеллараша.
