ТӀема операце доакъашхочунца, кхетаче хилар вай паччахьалкхен университете
24.01.2025 10:42
ТӀема операце ветеран волча Хазанаькъан ИбрахӀимца кхетаче дӀайихьар Паччахьалкхен университета студенташа. Из хоам «Сердалога» бир «Даьхен лорбой» яхача ганза болхлоша.
«Вай мехкарча университете дийша ва ИбрахӀим. ЛоархӀаме хьаьша волаш, ше дийшача моттиге кхаьча, таханарча студенташта цо дийцар Россе хи тӀарча флоте дӀахьоча декхарех, иштта ше студент хиннача ханех дар. Бера хана денз тӀема декхараш Ӏомадеш йола професси ше харжарах хьоахадир цо; белгалдир, Даьхен хӀама лорадар мел лоархӀаме да», - йоах хоамо.
«Даьхен лорбой» яхача ганза республикерча филиала кулгалхо волча Оздой Муслима теркалдир, иштта йолча кхетаченаша кагирхой мехкацара безам чӀоагӀбелга.
