Денала урок дIайихьар, мехкарча политехнически колледже
30.10.2025 14:06
Iарпенаькъан Ювсапа цIерах йолча политехнически колледже, дIайихьар Денала урок. Цига дакъа лоацаш вар СВО доакъашхо вола Лаьнанаькъан Назир. «Сердалога» из хоам цу моттигера бир.
«Даьхен лорабой» яхача ганза болхло йолча Тиймарзанаькъан Луиза яр цу гIулакха хьалхаэттар. ТIема операце ветерана ший къамаьла юкъе хьоахадир, хIара саг ший Даьхенах дог лазаш, ший хIама лорадеш, денал, яхь яха хIамаш цхьаккха хIамах ца хувцаш, ваха везилга. ТIема операцена юкъе дакъа лацар ший вахаре мишта хилар дийцар цо студенташта. ТIема аренашка къаман яхь лораеш лелача вай бIухоех а дийцар», - йоах тхога бенача хоамо.
Хьаьшо белгалдир, халача моттигашка вIаший оагIув хьаллоацаш, кадай, де дезачун уйла сиха еш хилар мел лоархIаме да.
