ГӀалгӀайчен Пхьилекъонгий-Юрта «Турпалхочун парта» хьадийллар
Пхьилекъонгий-Юрта хьадийллар «Турпалхочун парта», лаьрххӀача операце веннача Эсанаькъан Самура сийна, яхаш, дийцар «Сердало» газетага ГӀалгӀай Республикан «Даьхен лорбой» яхача ганза викалаша.
Самур Пхьилекъонгий-Юртарча №3 йолча ишколе деша ваьгӀав. Хьехархошта из дагавоагӀа, дика а хьинар дола а дешархо санна. Цига бар цун дезал, цунца цхьана деша баьгӀараш, хьехамчаш», - аьлар тхога кхаьчача хоамо.
Хургйола професси харжа ха хьаэттача, Эсанаькъан Самура лаьрхӀар Лакхерча тӀема юкъарча эскара командни училище отта. Самур, деша вагӀача хана, шозза дакъа лоацаш хиннав ЦӀеча майдан тӀа хиннача параде. Москверча тӀема музее цун цӀи дӀаязъяьй. Из каст-каста хулар спортивни яхьашка дакъа лоацаш.
Белгалду, университет яьккхачул тӀехьагӀа, из хилар Забайкальски тӀема куран тӀа, цул тӀехьагӀа лаьрххӀача операце дакъа лоацаш. Из велар Донецка чуйоагӀача юрта Никольске, ший тӀема новкъостий кӀалхарбоахаш. Денал гойтарах, цунна елар Денала орден (валарца).
