ГӏалгӀай университете дӀайихьар гӀалгӀай, эрсий метта олимпиада
22.01.2026 12:58
ГӏалгӀай паччахьалкхен университета филологически факультете дӀайихьар эрсий, гӀалгӀай метта олимпиада. Яхьашка дакъа лоацаш хилар колледжа студенташ, цар гойтар наьна меттацара безам а, кӀоаргга кхеташ хилар а.
«Олимпиада доакъашхоша дукхача хаттарех латта декхараш кхоачашдир, цо хьагойтар уж дика кхеташ а метта бокъонаш йовзаш а хилар. Россе къамий меттай олимпиадаш дӀахьош я ерригроссийски проекташта чуйоагӀаш, цар белгалду, Россе дукха метташ лорадар лоархӀаме хилар», - аьлар «Сердало» газетага из кхетаче вӀашагӀъеллачо.
Цо цӀаькха а хьагойт, хӀара мотт- из дика уйла яра, шийна ховш дар кхычун дӀадалара йола таро я, хӀаьта из лорабар ноахала юкъара декхар да.
