220 бера моттигаш йола берий беш хьайийллар ТӀой-Юрта
220 бера моттигаш луш йола берий беш хьаеллаш, кхетаче хилар тахан ТӀой-Юрта. Цига дакъа лоацаш вар вай Мехкада Келаматанаькъан Махьмуд-Ӏаьла. Берий беш эшаш, из хьаелларга сатувсаш юртара нах баха дикка ха яр. 18 эзар совгӀа болча бахархошта лаьрхӀа, цхьа берий беш мара яцар цига. Цу гӀулакхо наха йоккха хало йора яхаш дийцар Мехкадас.
Берий беш хьа ца еллаш иштта дукха латтар, гӀишлон болх дӀатӀаийца хиннар ший болх боаггӀача боараме чакхбоаккхаш цахилар дар. 220 бера моттигаш яларал совгӀа, юртарча 80 сага болх бе моттигаш хилар хӀанз. «ТӀой-Юрт тахан хоза тоалуш латт. Юрта ийъ ишкол, фельдшерско-акушерски пункт, дарбанче, культуран цӀа да.
Белгалде деза , уж деррига балхаш къаман, паччахьалкхен программашка гӀолла кхоачашдаьлга», - аьлар вай Мехкадас. Иштта, дукха цаговш, 5 километр дlаьха дола хий чудилла лерхӀ юрта.
