Илдарха-ГӀалий тӀа Сийлен парк а Ветераний сквер а тоаеш латт
02.05.2025 21:04
Илдарха-Гӏалий тӀарча Ӏаьдало тоаеш латт Сийлен парк а Ветераний сквер а. Уж хургья Коталон 80 шу дизара цӀай дезду керттера моттигаш, яхаш, дийцар «Сердало» газетага шахьара мэре зарбан болх лелабеча МутаӀаланаькъан Мадинас.
«Шахьара кулгалхочо доал деча даькъ тӀарча болхлошта хьалхашка декхар оттадаьд; сердал луш йола лампаш, кхуркхолгаш, ара латта гӀандаш, зӀамагӀа йола архитектуран кепаш, берий спортивни майдаш, ловзара моттигаш тоае, аьнна. Дукха ха йоацаш, лаьрххӀа болча болхлоша парка доазон тӀара лакха урагӀъяха гаьнаш еӀар. Цул совгӀа, укхаза керда баьцовгӀаш дӀайийра», - аьлар хоамо.
